(1 votes, average: 4,00 out of 5)
You need to be a registered member to rate this post. Loading...

Orendainen Tolosaldearako Baso Eskola bat sortu nahi dugu, eskola alternatibo bat 3-6 urteko umeentzat. Baso eskola Europa erdi iparraldean oso zabalduta dagoen eskola eredu bat da. (Eskozia, Dinamarka, Alemania….). Urteak daramatzate eredu honekin irakasten eta emaitza oso onak ematen ditu. Eskola publiko sarean txertatuta ere badaude eskola hauek hainbat kasutan.

Baso eskolaren oinarria umeak naturarekin harreman zuzenean heztea da. Basoa da gela eta jolas librea du hezteko tresna nagusi.

Orendainen Baso Eskola eredu berri bat sortu nahi dugu Euskal Herrirako. Beste ikastetxeek ere antzeko eskaintza egin dezaten. HUHEZIko Hazitegi sailaren laguntzarekin ari gara eskola eredu hau zehazten eta gerora ere, zabaltzen denean unibertsitate berak egingo luke gertatzen ari denaren jarraipena. Proiektu serio bat garatzen ari gara, berme guztiak izango dituena.

Gertura begirako helburuetan dauzkagu, batetik eskualdeko ikasleak Orendaingo Baso Eskolan izena ematea eta Ikastolen Elkarteak irakasleak kontzertatzea.

(1 votes, average: 4,00 out of 5)
You need to be a registered member to rate this post. Loading...