PARTE HARTU

Asmatu, sortu eta eraldatu PA! Saltoki-n, aurten erosketak egiteko kulturaren inguruan irtenbideak sortzen dituen prozesua landuko dugu; geroago, prototipatu eta gauzatu egingo direnak. Kezkaren bat al duzu gaur egun erosketak egiteko dauzkagun ohituren inguruan? Zure mundua hobetzeko ideiak dituzu? PA! Saltoki duzu horiek aktibatzeko eta emaitzak lortzeko egitasmoa. Asmatu, sortu eta eraldatu!

Noiz

Ostirala, otsailaren 12a, 17:00etatik 19:30etara.

Larunbata, otsailaren 13a, 10:00etatik 17:00etara.

Non

Sesioa online izango da Impact Hub Donostiako Zoom plataforma bitartez. Konektatzeko esteka izena eman ostean jasoko duzu.

Zer ekarri

Gure gizartean gaur egun bizi ditugun erosketa ohitura kaltegarrien aurrean alternatibak diseinatzeko jardunaldi batean parte hartzeko gogoa.

Zer irabazi

Epaimahaiaren iritziz, ideiarik garrantzitsuena, egingarriena eta eraldatzaileena denak saria jasoko du. Talde irabazleak SARETUZ SAREAren parte diren denda jasangarrietan erosteko 300€-ko balioa duen bonoa jasoko du.

Gainera, hautatutako ideia nagusiek bi hilabeteko laguntza jasoko dute, Impact Hub Donostia gizarte berrikuntzarako laborategian bultzatu ahal izateko.

Nola

Leku kopurua mugatua da. Izena emateko, bete jarraian ikusten duzun formularioa.